Ein ting er kva som blir bestemt ovanfrå og ein an...

2008-09-20T00:02:00.000+03:00

Ein ting er kva som blir bestemt ovanfrå og ein annan ting er kva vanlege folk røyner av grensepolitiet.

I Estland ser Schengen ut til å fungere fint med glatt innreise både med snøggbåt frå Helsinki og på flyplassen i Tallinn. Og no endeleg togsamband frå Valga til Riga, slik at ein ikkje treng å stå opp så ”ukristeleg” tidleg for å nå morgonbussen frå Tartu til Riga. Ein blid latvisk, kvinneleg konduktør tek i mot oss i Valga på hjelpelaust engelsk, men det suveren evne til kommunikasjon. No vøler dei også lina frå Valga til Tartu, så kanskje kan vi vone på samband Riga – Tallinn om Tartu. Det kan bli eit viktig samband for Tartu om ein får opp farten på toga.

Men tilbake til passfridomen. I Litauen ser dei annleis på dette. Eg har fare to gonger der med buss etter nyordninga. Fyrste gongen vart ei kvinne med ei lita dotter kasta av bussen fordi dei ikkje hadde pass. Og no siste gongen ”fann” eg ikkje passet og prøvde meg med norsk førarkort, deretter med bankkort, men like lite hjelpte det. Eg var på nippen til å bli kasta av bussen då eg ”endeleg fann att” passet i lomma der eg visste det låg. Ved denne tåpelege grensepasseringa måtte bussen vente nesten ein halv time så vi fekk inga pause på turen for å kunne kjøpe oss noko. Sjåføren måtte halde ruta.

Eg føler med kvinna med barnet som berre gjorde som politikarane hadde sagt, men ikkje gjort. All honnør til Estland og Latvia, ris til Litauen.

Comments on Øyvind Rangøy ... sånn av og til: I kveld kverv dei siste spora av jarnteppet

Ein ting er kva som blir bestemt ovanfrå og ein an...